أبطيت عني والوصل حاجه الروح

ابطيت عني والوصل حاجه الروح
متى ع الله تعطي الروح حاجه
ابطيت وغيابك على غير مصلوح
قصدك تعيق القلب وتكسر اسياجه
خليتني في غربه الحزن مجروح
خليتني و القلب وصلك علاجه
اقرب وتبعد كل ماجيتك تروح
مدري متى جوك يصفي عجاجه
الله حسيبك كان تسمعني انوح
والقلب من فرقاك تسمع اخلاجه
ياصاحبي بحر الهوى مابه مزوح
اسقيتني من مر طعمه هماجه
تركتني والهجر برقه لي يلوح
شتتني والفكر ضيع مزاجه
ليت الجروح الناتجه منك تروح
والقلب يعلن للضلوع انفراجه
ماكان شفت الصدر باسراره يبوح
ويشكي علي ويمد كف احتياجه
لكن يبقى للامل فيني طموح
والفايز اللي بالوفى لبس تاجه
بالمختصر صدري من فرقاك يفوح
متاك ترجع ،،، يسترد ابتهاجه